Ho Ho Ho

Liebe Mojos &liebe Mojomädels

 

I bins, eier Highliger Nikolaus, i bin wieder do,

hab gehört, vermisst habt´s mein Bart scho.

Drum hob i heuer was Neis für eich,

des is moi wieda wichtig, oiso lests des gleich!

 

Wie ihr wisst, war grad erst mei Namenstag nun,

bis dahin hatt ich an Sack voll zu tun.

Und mei analoger Shop, den i auf da Erden betreib,

wo ma Feuerzangenbowle und Lebkuchen se einverleibt,

der hod mi no dazua gscheid aufghoitn,

wenn des so weita geht, werd ma den auch online schoitn.

Spät is daher worn und es eilt die Zeit,

die Highlige Mojo Nacht am 23. Dezember is nimma weit.

 

In diesem Jahr, i trau meinen Augen kaum

wie kann ma nur so vui Schmarrn baun?

Draußen san die Briten, drin is da Trump,

 wer von eich mog denn so am Lump?

Da Erdogan mog de Intelligenten ned, weil er is ned so gscheit,

und die Mojos machen a JHV mit bloß dreizehn (!!) Leit.

Jetz fehlt a no mei Bart,

was soll i sagen, ja so a Misere, des ist richtig hart!

 

I kriag mi nimma, dass i ned tram,

jetz reissts eich bloss auf de letzten Tag im Jahr no zam.

Bitte, bitte helfts alle ganz guad mit,

dann wird der dreiundzwanzigste wenigstens da Hit.

 

Kumma glei moi wieda zu da Antn,

de mir alle am 23. gustieren kanntn.

Ihr Gusto-Mojos werdets ebs a boa mögn,

drum miass ma de Bestellung boid aufgebn.

Bis 10. Dezember müssts es mir sogn,

damit die Antn no lang gnua im Ofen brodn.

 

Und damits eich jetz ned langweilig werd,

hätt i auch a gern wieder wos von eich ghört.

A Gedicht solls logisch reimend wieda sein,

Nur 16 Zeilen, damits zeitlich guad klappt, extra klein.

 

Schicks mir bitte eier persönliches Mojo-Highlight,

wos eich im letzten Mojo-Jahr widerfahren is.

Und zwar jeder über den Mojo,

für den er des scho vor zwoa Jahr gemacht hod, wissts des no?

Wenn ned, dann fragts einfach mich,

aber vermutlich woass i des ebs auch nich...

egal – jeder von eich soll was schreiben und glei richtig dichten,

weil i hob koa Zeit mehr dazua, muss i doch no des Casting für die Engerl sichten.

Hoit auf, zvui werd ned verraten,

sonst riachts ihr no den Braten.

 

Und glaubts mas, des is koa Scherz,

wer nix bis zum 20. Dezember schickt, der werdz...

...erfahren, wos der Grampus von eam hoit,

wenn der dann zamreimt, wos eam an eich gar ned gfoid.

Oiso, i hoff ihr prägts euch des ein:

Wer nix schreibt, der zoid wieder de Flaschn Wein!

 

Oiso, bis dann zum 23stn von Sechse bis viertel nach Siemme

vorglühn an der Feuerzangenbowle wie imma.

Danach sollts ihr ins Mo nauf gehn,

um gemeinsam ab hoibe Achte im festlichen Gewölbe zu stehn.

 

Omelden brauchts eier Teilnahme ned,

weil a jeder Mojo scho auf der Listn steht.

Nur wenn ebs ned konn,

miassts ihr mia des scho song!

Oda wenn ihr mehr als oaner oda mit Frauen seid,

wär a Info scho gscheit.

Drum schickts es mir bis 10. Dezember,

wenns ned klappt, wird da Grampus ebs strenger.

Damit des einfacher is, mir wos zum song,

kennts alles etz gleich unten eintrong!

 

Wie immer eine Bitte noch:

Ich denke doch,

dass es erst a feierlicher Anlass wird,

wenn jeder im himmelblauen Mojo-Anzug antritt.

Drum seids so guad und ziagtsn o,

damit er im Schrank ned verstauben ko.

 

So, etz bin i fertig mit meinen Wünschen für heit

und wünsch eich einen lustigen Beginn der feuerzangenbowleundlebkuchengeschwängerten Vorweihnachtszeit!

 

 

Eier Highliger Nikolaus

mitm  Hazelichen Grampus

und dem  Engerl „ Weisser Schnee"

 

 

 

 

 

 

 

 

 

 

 

 

 

 

 

 

 

 

 

 

HOAM

Formular wird gesendet...

Auf dem Server ist ein Fehler aufgetreten.

Formular empfangen.